محمد حماد: صعوبات فيلم خروج آمن صنعته ونقدم أفلاما "هاند ميد" مش خط إنتاج

تصوير- علاء أحمد:

شهد سابع أيام مهرجان الجونة السينمائي ضمن فعاليات دورته التاسعة اليوم الأربعاء 21 أكتوبر، مؤتمرا صحفيا لصناع فيلم خروج آمن حضره المخرج محمد حماد، والمنتجة خلود سعد، ومدير التصوير محمد الشرقاوي، وأبطال الفيلم.

أحمد عامر يدير مؤتمر فيلم خروج آمن

أدار المؤتمر السيناريست أحمد عامر، وتحدث مقدما الفيلم "العمل يبدو بطيء شوية، لكن سحرني في الصورة، مش بتدي إجابات أنت بتطرح أسئلة، حول البطل: مين ده وبيعمل إيه؟.. إحكي لينا بتفكر إزاي لأن ده قرار جريء، وبتغامر بإيقاع معين في وقت فيه سيطرة السوشيال الميديا ومستعجلين، لكن الفيلم خلانا نتأمل في الشخصيات والمدينة".

محمد حماد

وأجاب حماد "الإيقاع حاجة خاصة بصانع الفيلم وكل بني آدم له إيقاعه الخاص، طريقة التعامل مع الحياة والتعاطي مع أحداثها هو عامل كده، إن ما كانش ابطأ شوية أنا بشوف إني سرعت، بالنسبالي التساؤلات أهم من الأجوبة، آه بيقدم معلومة بس الاهم عندي يطرح تساؤل".

وكشف أنه يميل أكثر للأفلام المكتوبة "بنعمل أفلام هاند ميد مش خط إنتاج، وده ليس له علاقة بالجودة، كإن القيلم قطعة بيتم زخرفتها وتحتاج وقت، تفكير إزاي تعمل فيلم زي ده وتخرجه لبر الأمان لأن فيه تعثرات في التصوير وتوقفات، لما بنقف الممثلين ممكن يهربوا من الشخصية والإيقاع يهرب".

وتابع حماد "الأفلام المستقلة مشكلتها مش إنتاجية فيه إنتاج كتير بنعمل في مصر من 100 إلى 200 فيلم قصير في السنة وده عدد كويس، والأفلام المستقلة تقريبا 8 أفلام وده عدد معقول بس بتكون المشكلة في التوزيع".

النمط الإنتاجي

وأكد حماد أن النمط الإنتاجي يحدده السيناريو "إزاي انت بتهندس الفيلم عشان طريقة إنتاجه بهذا الشكل، بتعمل سيناريو للعراقيل والمشاكل عشان تقدر تحلها، وفيلم زي خروج آمن صعوباته هي اللي صنعته وتجبرك تعمل عمل بديع وبيكون إبداعي اكتر مما تتصور".

اقرأ أيضًا:

باسم سمرة ينشر صورة نادرة مع عادل إمام.. ومحمد رمضان يعلق

حميد الشاعري يطرح أغنيته الجديدة بعنوان "كويس" اليوم